11 okt 08:03
Yangiliklar

Gimnastika

Gimnastikachi qizlar “Vazir kubogi” uchun bellashdi

Termizda badiiy gimnastika bo'yicha “Vazir kubogi” uchun o'tkazilayotgan sport musobaqasining shahar bosqichi bahslari bo'lib o'tdi.

Davlatimiz rahbarining 2022 yil 23 dekabrdagi “Gimnastika sport turlarini yanada rivojlantirish chora-tadbirlari to'g'risida”gi qarori ijrosi doirasida tashkil etilgan musobaqada shahar umumtalim maktablarining 1-4-sinf o'quvchi qizlari Maktabgacha va maktab talimi vaziri kubogi uchun bellashdi.

Guruh mashqlari va shaxsiy dasturda olib borilgan musobaqa qizg'in kechdi. Birinchi o'rin 9-umumtalim maktabi jamoasiga nasib etdi. 21-maktab gimnastikachi qizlari ikkinchi hamda 11-umumtalim maktabi jamoasi uchinchi o'ringa sazovor bo'ldi. G'olib va sovrindorlar munosib taqdirlandi.