Ginness rekordlar kitobiga kirgan Rima Batalova O'zDJTSUda mehmon bo'ldi + FOTO

Tashrif avvalida mehmon universitetda o'tkazilayotgan “Yashil makon” loyihasi asosida amalga oshirilayotgan ko'chat ekish jarayonlarida qatnashdi. SHundan so'ng, Rima Batalova ishtirokida uchrashuv o'tkazildi.

Unda Jahon belbog'li kurash associaciyasi prezidenti Aziz G'aniev, Oliy Majlis qonunchilik palatasi deputati Qodir Jo'raev, O'zbekiston Belbog'li kurash federaciyasi raisi Ravshan Dastirov, CHirchiq shahar hokim o'rinbosari Oila va xotin-qizlar bo'limi boshlig'i Yulduz Jumaeva, universitet prorektorlari, Paralimpiya va Kurash fakulteti dekanlari, professor-o'qituvchilar, tyutorlar va talabalar ishtirok etishdi.

Uchrashuv davomida faxrli mehmon o'zining qo'lga kiritgan yutuqlari hamda erishgan muvaffaqiyatlari siri bilan o'rtoqlashdi va mamlakatimizda milliy sport turlari, paralimpiya sport turlarini rivojlantirish, shu qatorda ularda xotin-qizlar ishtirokini taminlash yuzasidan o'ziga xos fikr-mulohazalar bildirdi. Talabalar ham uchrashuv qaxramoniga o'zlarini qiziqtirgan savollarini yo'llashdi. 

SHuningdek, mehmon tomonidan Jahon belbog'li kurash associaciyasi prezidenti A. G'anievga hamkorlik uchun minnatdorchilik ramzi sifatida tashakkurnoma topshirildi. Eng yaxshi savol egasiga esa Rima Batalovaning mualliflik kitobi sovg'a qilindi. O'z navbatida universitet rahbariyati ham Rima Batalovaga tashakkurnoma va esdalik sovg'alari taqdim etdi.

Davra suhbatidan so'ng faxrli mehmon universitet rektori, professor M. Boltabaev boshchiligidagi rahbariyat jamoasi ishtirokida universitet muzeyi va TTJda yaratilgan sharoitlar bilan yaqindan tanishdi. Bundan tashqari R. Batalova mezbonlar bilan birgalikda universitet hududida esdalik uchun ko'uchat ekdi.

Ilhom RAHMONOV tayyorladi