28 dek 10:12
Yangiliklar

SHaxmat

G'oliblarga rekord darajada pul mukofoti topshiriladi

Xabar berganimizdek, shu kunlarda Saudiya Arabistoni poytaxti Ar-Riyod shahrida shaxmatning rapid va blic yo'nalishlari bo'yicha jahon chempionati bo'lib o'tmoqda.

King Salman World Rapid and Blitz Chess Championships musobaqasida 55 davlatdan 200 nafardan ziyod dunyoning eng kuchli grossmeysterlari ishtirok etyapti.

Yakunda jahon chempionligiga erishgan shaxmatchilar 2 million dollar mukofot puliga ega bo'lishadi. Ushbu summadan 1 250 000 dollari erkaklar, 750 000 dollari esa ayollar o'rtasida chempion bo'lgan shaxmatchiga topshiriladi.

Eslatib o'tamiz, mazkur jahon chempionatida o'zbekistonlik ikki grossmeyster – 17-jahon chempioni Rustam Qosimjonov (2679) va Gulruhbegim Tohirjonova (2171) yurtimiz sharafini himoya qilishyapti.