Gomeldagi turnirning ikkinchi kunida yana uchta medal FOTOGALEREYA

O'z tarixida ikkinchi bor tashkil etilgan "Prayd Kubogi"da 11 davlatdan 2006-2007, 2008-2009 hamda 2010-2011 yillarda tavallud topgan jami 1000 nafarga yaqin o'smir dzyudochilar ishtirok etdi. Yurtimiz sharafini O'lmas Gulliev murabbiyligida o'zbekistonlik dzyudochilar himoya qilishdi. 

Quvonarlisi, hamyurtlarimizdan 6 nafari taqdirlash marosimida shoxsupaga ko'tarildi. Turnirning birinchi kuni Inom Bahodirov barcha raqiblarini mag'lubiyatga uchratib, xalqaro turnirning oltin medaliga sazovor bo'lgandi. Ubaydulloh Botirov va Inoyatullo Telmonov esa bronza medalini qo'lga kiritgan edi. 

Ikkinchi kungi bahslarda hamyurtlarimiz yana 3ta medalni terma jamoamizga taqdim etishdi. Saidakbar Mamirov oltin medal bilan shoxsupaning eng yuqori pog'onasiga ko'tarilib, madhiyamizning yangrashiga sababchi bo'ldi. Muzaffar Tursunov kumush, Mirjahon Sayfidinov esa bronza medaliga ega chiqdi.