Grand Slam. Dzyudochilarimiz uchun omadsiz yakun, ular xatto guruhdan chiqa olishmadi

Nufuzi jihatidan jahon chempionatiga qiyoslanadigan ushbu musobaqada O'zbekiston terma jamoasi polvonlari o'ta omadsiz ishtirok etishdi. Yangilangan tarkib bilan turnirda qatnashgan dzyudochilarimizning hech bir xatto o'z guruhidan chiqish vazifasini ham uddalay olmadi.

Xuddi birinchi kunda bo'lgani kabi bugun ham polvonlarimiz ilk bahslaridayoq mag'lubiyat alamini totib ko'rishdi.

Yahyo Imomov yaponiyalik Yusuke Kobayashiga, SHermuhammad Jandriev (ikkisi ham -90 kg) slovakiyalik Peter Zilkaga, SHerali Jo'raev (-100 kg:) yaponiyalik Daiki Nishiyamaga, Alisher Yusupov rossiyalik Ruslan SHaxbazovga, Bekmurod Oltiboev (ikkisi ham +100 kg) avstriyalik Daniel Allerstorferga yutqazib, “Katta Dubulg'a”dagi ishtirokini to'xtatdi.