Grand Swiss 2025. Abdusattorov va Gukesh g'alaba bilan boshladi, Umida va Afruza raqiblarini taslim etdi + FOTO

Musobaqaning asosiy maqsadi — dunyo reytingining TOP-100 taligiga kirgan kuchli shaxmatchilar orasidan to'rt nafar talabgorni (2 erkak va 2 ayol shaxmatchi) jahon shaxmat tojiga bo'ladigan “Talabgorlar turniri”ga saralab olishdan iborat.

Turnirning 1-turida Nodirbek Abdusattorov (2748) oq donalarda cerbiyalik Velimir Ivich (2630)ni mag'lubiyatga uchratdi. Javohir Sindarov (2722) armanistonlik Aram Hakobyan (2625) bilan durangga imzo chekdi. O'ziga xos o'zbek derbisida Ortiq Nig'matov va SHamsiddin Vohidov o'zaro murosaga kelishdi. 

WOMENS, yani ayollar guruhida hamyurtimiz Gulruhbegim Tohirjonova hindistonlik jiddiy raqib Rameshbabu Vayshaliga imkoniyatni boy berib qo'ydi. Afruza Hamdamova shveycariyalik Mariya Mankoni, Umida Omonova reytingda o'zidan yuqorida turgan polshalik Oliviya Kiolbasadan ustun keldi. 

FIDE “Grand Swiss 2025” — 1-raund natijalari (O'zbekiston vakillari) OPEN:

Nodirbek Abdusattorov — Velimir Ivich (Serbiya) 1:0

Javohir Sindarov — Aram Hakobyan (Armaniston) 0,5:0,5

Nodirbek Yakubboev — Mishra Abhimanyu (AQSH) 0,5:0,5

Muhiddin Madaminov — Daniil Yuffa (Ispaniya) 0,5:0,5

Jahongir Vohidov — Nikolas Teodorou (Greciya) 0,5:0,5

Abdimalik Abdisalimov — Maksim Rodshteyn (Isroil) 0:1

Ortiq Nig'matov — SHamsiddin Vohidov 0,5:0,5

Muhammadzohid Suyarov — Frederik Svan (Germaniya) 0:1

Ayollar (WOMENS):

Gulruhbegim Tohirjonova — Rameshbabu Vayshali (Hindiston) 0:1

Guldona Karimova — Song Yuksin (Xitoy) 0,5:0,5

Afruza Hamdamova — Mariya Manko (SHveycariya) 1:0

Umida Omonova — Oliviya Kiolbasa (Polsha) 1:0

Madinabonu Xalilova — Antoaneta Stefanova (Bolgariya) 0,5:0,5

Boshqa natijalarga to'xtaladigan bo'lsak, 1-turda amaldagi jahon chempioni hindistonlik Gukesh Dommaradju qora donalarda o'ynaganiga qaramay, franciyalik Eten Bakroni mag'lubiyatga uchratdi. Arjun Ergaisi ispaniyalik Maksim CHigaev, Yan Nepomnyashiy Andrey Volokitin, Rameshbabu Praggnanandha amerikalik Jefferi Ksiong, Maksim Vashe-Lagrav Sanan Syugirov bilan murosaga keldi. 

Alireza Firuzdja, Anish Giri, Vidit Santosh Gujrati, Parham Maqsudlu, Sem SHankland singari jami 17 nafar grossmeyster 1-turda g'alaba nashidasini surdi.