Grand Swiss 2025. Bir kunlik dam olishdan so'ng bugun 7-tur bahslari o'tkaziladi. Nodirbeklarni jiddiy sinov kutmoqda

Bugun bir kunlik tanaffusdan so'ng 7-tur uchrashuvlari o'tkaziladi. Nodirbek Abdusattorov (2748) oq donalarda o'zi singari 4 ochkoga ega bo'lib turgan eronlik Amin Tabatabayi (2673)ga qarshi bahs olib boradi. Nodirbek Yakubboev (2681) esa qora donalarda franciyalik nomdor shaxmatchi Alireza Firuzja (2754) sinovidan o'tadi. Har ikki grossmeyster 4 ochkodan jamg'arishgan. 

Musobaqani biroz omadsiz o'tkazayotgan Javohir Sindarov (2722) oq donalarda armanistonlik Robert Hovanisyan (2629) bilan hisob-kitob qiladi. SHaxmatchilar hisobida 3 ochkodan bor. Turnir jadvalida 5 ochko bilan yakka peshqadamlik qilayotgan eronlik Parham Maqsudlu (2692) bugun qora donalarda hindistonlik Nihal Sarin (2693) bilan o'ynaydi. 

WOMENS, yani ayollar guruhida hamyurtlarimiz orasida eng yaxshi natijaga erishib turgan birinchi raqamli shaxmatchi-qizimiz Afruza Hamdamova (2409) bugun 7-turda qora donalarda 15-Jahon chempioni, ukrainalik grossmeyster Mariya Muzichuk (2484)ka qarshi bahs olib boradi. Har ikki shaxmatchi hisobida 4 ochkodan bor. Gulruhbegim Tohirjonova (2372) o'zi singari 2,5 ochkoga ega polshalik Oliviya Kiolbasa (2405) bilan to'qnash keladi.