"Grunt qiroli" "Rolan Garros"dagi ishtirokini boshladi

Sayyoramizning ikkinchi raketkasi Rafael Nadal musobaqadagi ishtirokini g'alaba bilan boshladi. Ispaniyalik tennischi 2 soatu 5 daqiqa davom etgan ilk davra uchrashuvida reytingning 83-pog'onasidan borayotgan belaruslik Egor Gerasimovni taslim etdi - 6/4, 6/4, 6/2.

Bahs davomida 34 yoshli Rafael 3 ta, 27 yashar Gerasimov esa 1 ta eys zarbani amalga oshirdi. Bu tennischilarning o'zaro ilk uchrashuvi edi. Endi "grunt qiroli" Franciya ochiq chempionatining ikkinchi bosqichida amerikalik Makkenzi Makdonaldga qarshi kortga chiqadi. Makkenzi birinchi davrada kanadalik Stiven Diezni 4/6, 6/3, 6/3, 6/4 hisoblarida mag'lubiyatga uchratdi.