Gulruhbegimda mag'lubiyat, Nilufar yakka peshqadam bo'lib oldi

Ayollar o'rtasida o'tkazilayotgan musobaqaning oltinchi turida xalqaro grossmeysterimiz Gulruhbegim Tohirjonova turnirdagi ikkinchi mag'lubiyatini qabul qilib oldi. Turnir reytingida birinchi raqam ostida tasniflangan Tohirjonova qora donalarda harakat qildi va qozog'istonlik Bibisara Assaubaevaga imkoniyatni boy berdi. 

Tohirjonovaga ilk mag'lubiyatni taqdim etgan yana bir hamyurtimiz Nilufar Yoqubboeva bu turda qora donalarda o'ynashiga qaramay, qozog'istonlik Amina Kairbekovani engdi va 5 ochko bilan yakka peshqadam bo'lib oldi. Qozog'istonlik shaxmatchi qizlar - Gulmira Dauletova va Madina Davletbaeva partiyasida g'olib aniqlanmadi. 

Bugun o'tkaziladigan oltinchi tur oldidan turnir jadvalida Nilufar Yoqubboeva 5 ochko bilan karvonboshilik qilyapti. Bibisara Assaubaeva 4,5 ochko bilan ikkinchi o'rinni egallab turibdi. Gulruhbegim Tohirjonova va Gulmira Dauletova hisobida 4 tadan ochko bor. 

Bugun 7-turda peshqadam Yoqubboeva oq donalarda yana bir hamyurtimiz, grossmeyster Sarvinoz Qurbonboevaga qarshi bahs olib boradi. Gulruhbegim oq donalarda Amina Kairbekova bilan hisob-kitob qiladi. Bibisara Assaubaeva vatandoshi Gulmira Dauletova bilan uchrashadi.