16 noy 09:06
Yangiliklar

SHaxmat

Gulruhbegimni qiyinchilik bilan yutgan amaldagi jahon chempioni finalga chiqishga yaqin

Rossiyaning Xanti-Mansiysk shahrida o'tkazilayotgan shaxmat bo'yicha ayollar o'rtasida nokaut tizimidagi jahon chempionati o'zining hal qiluvchi pallasiga kirdi.

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Kecha jahon chempionatida yarim finalning ilk partiyalari o'ynaldi. Amaldagi jahon chempioni xitoylik Ju Ven Jun qora donalarda harakat qilishiga qaramay, rossiyalik Aleksandra Kostenyukni mag'lubiyatga uchratdi.

Aynan amaldagi jahon chempioni chorak finalda yurtimiz sharafini himoya qilgan vakilamiz, ayollar o'rtasida xalqaro grossmeyster Gulruhbegim Tohirjonovani qiyinchilik bilan 1,5:0,5 hisobida taslim eta olgandi. Ikkinchi yarim finalda Mariya Muzichuk hamda Katerina Lagno to'qnash kelishdi va bu uchrashuvda durang natija qayd etildi.