Guskovning murabbiyi: "Mag'lubiyat sababini bilaman"

Eslatib o'tamiz, "Carevich" o'tgan oyda UFC yarim og'ir vazn toifasidagi sobiq chempion bilan qisqa muddatli ogohlantirish bilan jang qilib, beshinchi raundda texnik nokaut evaziga mag'lub bo'lgandi.

"Biz sabablarni bilamiz, lekin ularni ayta olmayman. SHunday bo'lib turadi. Jang davomida qaergadir zarba esangiz, butun jang boshqacha tus oladi. Aslida esa, Bogdan o'ninchi raqamli jangchi bo'la turib, hamma qo'rqqan paytda birinchi raqamli jangchi bilan kuch sinashishga tavakkal qildi – shartnomasini yaxshiladi, pul ishladi. UFC unga qarzdor, desak ham bo'ladi – u ularni qiyin vaziyatdan qutqarib qoldi. U uyaladigan darajada yomon mag'lubiyatga uchramadi", – dedi rossiyalik mutaxassis Sport24 kanaliga bergan intervyusida.

SHuningdek, Azizyan Guskov bu jangda ko'proq tavakkal qilishi kerak edi degan fikrga qo'shilmaydi.

"Tavakkal qilishi kerak bo'lgan odam Ankalaev edi. Biz nega tavakkal qilishimiz kerak? Bizda yo'qotadigan narsa yo'q edi. SHuning uchun, Ankalaevning zarbalari o'xshamay qolgach, u oyoqqa tashlanib, yotib olishga urindi. Bizda esa malum muammolar bor edi – bo'g'ish usuli o'xshamadi, o'ng qo'li bilan zarba bera olmadi. Nima uchun bunday bo'lganini bilamiz va bunga juda xotirjam qaraymiz. Magomedni tabriklaymiz – u nishonga aniq tegdi va shundan so'ng o'yin biroz boshqacha tus oldi. Lekin bu o'yinda Bogdan emas, Magomed tavakkal qilishi kerak edi. Birinchi raqamli jangchi yotib olmasdan, nimadir ko'rsatishi kerak", – deb tushuntirdi Azizyan.