Guskovning qiyofadoshiga yangi raqib berildi

O'rta vazn toifasi UFC reytingida to'qqizinchi o'rinni egallab turgan Roman Dolidze yarimog'ir vaznga qaytadi va safdan chiqqan Karlos Ulbergning o'rnini egallaydi. Ulberg jarohati sabab Entoni Smitga qarshi kechishi kerak bo'lgan jangdan "echilgandi". Smit hamyurtimiz Bogdan Guskovning qiyofadoshi hisoblanadi. 

Ushbu jang UFC 303 turnirining ahamiyati jihatidan uchinchi to'qnashuvi bo'ladi. 35 yoshli Roman Dolidze oxirgi ikkita jangida mag'lubiyatga uchragan. U Marvin Vettori va Nassurdin Imavovga qarshi kechgan janglarda imkoniyatni boy berib qo'ygandi. Ungacha gruziyalik aralash yakkakurash ustasi ketma-ket to'rtta jangda g'alaba qozongandi. G'alabalarining uchtasini muddatidan avval qo'lga kiritgan. 

Entoni Smitga keladigan bo'lsak, u so'nggi yillarda barqaror jang o'tkaza olmayapti. U so'nggi beshta jangidan uchtasida mag'lubiyat alamini totib ko'rgan. Amerikalik 35 yoshli Smit yarimog'ir vazn toifasi UFC reytingida o'ninchi o'rindan joy olgan. Entoni so'nggi jangida Vitor Petrinoni birinchi raunddayoq mag'lub eta olgandi.