29 noy 17:02
Yangiliklar
SHaxmat
Hamdardlik bildiramiz
Bugun O'zbekiston Respublikasida xizmat ko'rsatgan jurnalist, mamlakatimizda shaxmat sportining rivojiga salmoqli hissa qo'shgan inson, taniqli sport sharhlovchisi Akrom Toshxo'jaev 66 yoshida olamdan o'tdi.
Bu haqida Jismoniy tarbiya va sport vazirligi matbuot xizmati xabar berdi.
Akrom Toshxo'jaevning butun mehnat faoliyati O'zbekiston milliy teleradiokompaniyasida o'tgan. Uzoq yillar «O'zbekiston» telekanalida, 2004 yildan to nafaqaga chiqqunga qadar «Sport» teleradiokanalida ishlagan.
Ayniqsa Akrom aka o'zbekistonlik birinchi va hozircha yagona jahon chempioni (kattalar o'rtasida) Rustam Qosimjonovning chempionlik toji uchun o'tkazgan o'yinlarini yuksak saviyada sharhlab, muxlisu-mutaxassislar nazariga tushgandi.
Saytimiz va Jismoniy tarbiya va sport vazirligi jamoasi ko'p sonli sport ixlosmandlari nomidan marhumning oila azolari va yaqinlariga chuqur hamdardlik bildiradi.
Marhumning ruhi shod, oxirati obod bo'lsin!
Havola :
Manba : Спорт вазирлиги
Fikrlar