07 mar 13:22
Yangiliklar

Tadbirlar

Hamyurtlarimizning jismoniy faolligini oshirish borasida yangicha yondashuvlar tatbiq qilinadi

Milliy Olimpiya qo'mitasida ommaviy sportni yanada rivojlantirish va aholi jismoniy faolligini oshirish mavzusida kengaytirilgan yig'ilish bo'lib o'tdi.

Unda O'zbekiston Respublikasi Prezidenti Administraciyasi departamenti rahbari Odil Abduraxmanov, Sport vazirligi, Milliy Olimpiya va Paralimpiya qo'mitalarining rahbariyati, shuningdek, boshqa masul tashkilotlarning mutasaddilari ishtirok etishdi.

Yig'ilishda aholining jismoniy faolligini oshirish, buning uchun yangicha mexanizm ishlab chiqish kun tartibining asosiy mavzusiga aylandi. Xususan, Toshkent shahri misolida talim muassasalaridagi yoshlarni sportga keng jalb qilish, jarayonni raqamlashtirish bo'yicha taklif va mulohazalar bildirildi.

Suhbat yakunida ilgari surilgan takliflarni amalga tatbiq etish maqsadida barcha sohadan masullar biriktirilib, vazifalar taqsimoti belgilab olindi.