Hasanboy Do'smatov 77 foiz ovoz bilan yakka peshqadam!

Quvonarlisi, ushbu mukofotni qo'lga kiritish uchun davogarlar orasida bizning Hasanboy Do'smatov ham bor. 49 kg vazn toifasida Rio Olimpiadasi chempioni ushbu mukofotni qo'lga kiritishga juda yaqin turibdi.

Hozirgacha u 77 foiz ovoz bilan yaqqol peshqadam bo'lib turibdi. Ikkinchi o'rinda 18 foiz ovoz bilan qozog'istonlik Olimpiada chempioni Daniyar Eliusinov bormoqda.

Kubalik chempion Robeysi Ramires esa uchinchi pog'onadan joy olgan. Rio Olimpiadasi chempioni 5 foiz ovoz to'plagan. Aynan mana shu uch bokschidan biri dunyoning eng yaxshi bokschisi deb elon qilinadi.

G'olibni taqdirlash marosimi 20 dekabr kuni SHveycariyaning Lozanna shahrida bo'lib o'tadi. Uchchala nomzod ham ushbu marosimga taklif etilgan bo'lib, aynan o'sha erda g'olib nomi oshkor etiladi.