Hasanboy Do'smatov: “Bugungi raqibim bilan avval ham jang qilganman”

Xabar berganimizdek, Olimpiadada to'liq tarkibda ishtirok etayotgan charm qo'lqop ustalarimizdan ikki nafari bugun o'zlarining ilk janglarini o'tkazishadi. Asosiy umidlarimizdan biri – 49 kg vazn toifasidagi Hasanboy Do'smatov meksikalik Xoselito Velaskesga qarshi ringga ko'tariladi. Bugungi jang oldidan charm qo'lqop ustamiz bizga qisqacha intervyu berdi.

- Bugungi raqibim men uchun begona emas. U bilan avval ham to'qnash kelganman. 2015 yili Ukrainaning “Ukraina atamanlari” jamoasi tarkibida WSB turniri doirasida meksikalik bu bokschini mag'lubiyatga uchratganman. Xoselito juda jiddiy raqib. Kubalik kuchli bokschini enga olgan. Kubaliklarning qanday salohiyatga ega ekanligini bilasiz. Quraga hech qanday munosabat bildira olmayman. CHunki, 22 nafar bokschining hammasi ham kuchli. Meksikalikni mag'lub etsam, katta ehtimol bilan qozog'istonlik azaliy raqibim Birjan Jakipov bilan to'qnash kelaman, - deya so'zlariga yakun yasadi X.Do'smatov.