Hasanboy Do'smatov: "Osiyo o'yinlarida g'olib bo'lishga harakat qilaman"

Aeroportda Olimpiada chempioni Hasanboy Do'smatov saytimizga eksklyuziv intervyu berdi.

"Yaqinda Rossiyadagi xalqaro musobaqada hindistonlik bokschiga yutqazib qo'ygandim. Osiyo o'yinlariga o'sha bokschi kelmas ekan. Qozog'iston va Hindistonlik bokschilar menga asosiy raqib bo'ladi. SHunga qaramay g'alaba qozonishga harakat qilaman, chunki Osiyo o'yinlari kichik Olimpiada hisoblanadi. 

23 avgust kuni qura tashlash marosimi bo'lib o'tadi. Raqiblarni bilib olgach shunga qarab tayyorgarlik ko'ramiz. 24 avgustdan boks bahslari start oladi. Murabbiy Rahmatjon Ro'ziohunov, bokschilar Isroil Madrimov va Jasur Latipov bilan birga uchayapmiz. Qolgan 4 nafar bokschi keyinroq Indoneziyaga etib borishadi", - deydi Hasanboy Do'smatov Olamsport.com saytiga.