Hasanboy Do'smatovning navbatdagi raqibi, jang sanasi va manzili malum

Bu haqda uning o'zi saytimiz muxbiriga xabar berdi. Unga ko'ra, Do'smatov 21 may kuni Meksikaning Mexiko shahrida mezbon bokschi Karo Moyzes Guterrezga qarshi ringga ko'tariladi.

Karo faoliyati davomida 10 ta jang o'tkazib, ularning 8 tasida g'alaba qozongan. Yana ikki jangni durang bilan yakunlagan. Guterrez 5 ta jangda raqiblarini nokautga uchratgan.

Hasanboy Do'smatov esa prof ringda 4 ta jang o'tkazib, barchasini muddatidan oldin g'alaba bilan yakunlagan.

Eslatib o'tamiz, Hasanboy Do'smatov o'tgan yilning dekabr oyida Toshkentda o'tgan professional boks oqshomida Xose Rivas (18-13-4, 10KO)ga qarshi ringga ko'tarilgan va raqibini muddatidan avval mag'lubiyatga uchratgandi.