"Humo" 1/4 final seriyasidagi to'rtinchi uchrashuvini o'tkazdi

Afsuski, koronavirus sabab xokkeychilarimiz uy uchrashuvlarini "Humo Arena"da o'tkaza olishmayapti. Bu esa raqib Moskvaning "Zvezda" klubiga qo'l kelmoqda. Kecha oqshom jamoalar o'rtasidagi to'rtinchi uchrashuv o'tkazildi. 

Voskrenskda o'tgan bu bahsda o'z mintaqasida birinchi o'rinni egallagan "Zvezda" yirik 4:0 hisobida g'alaba qozonib, umumiy seriyasidagi farqni oshirishga muvaffaq bo'ldi - 3:1. Endi hal qiluvchi beshinchi uchrashuv 19 mart kuni Moskva shahrida bo'lib o'tadi. 

Agar bo'lajak bahsda "Zvezda" g'alaba qozonsa, seriyadagi kurash to'xtatiladi va moskvaliklar 1/2 finalga yo'l olishadi. "Humo" g'alaba qozongan taqdirdagina yarim final chiptasi uchun kurashni davom ettira oladi. Boisi, bu bosqich o'yinlari to'rtta g'alabagacha o'ynaladi.