"Humo 2" chempionat peshqadamini mag'lub etdi

"Humo"ning asosan ikkinchi tarkib jamoasi bundan bir necha daqiqa avval yakuniga etgan uchrashuvda Qozog'istonning "Arlan" klubini overtaymda kiritilgan oltin shayba evaziga mag'lubiyatga uchratdi. Gol muallifi Kirill Zubkovskiy bo'ldi. 

"Humo 2"ning birinchi goliga 5-daqiqada Maksim Bostanjiev mualliflik qilgandi. Mehmonlardan yagona gol 20-daqiqada Dmitriy SHitikov tomonidan kiritildi. Bugungi uchrashuvdan so'ng "Arlan" 47 ochko bilan hamon peshqadam bo'lib turibdi. Ikkinchi o'rindagi "Almati" hisobida 38 ochko bor. "Humo 2" esa 18 ochko bilan 8-pog'onaga ko'tarilib oldi.