"Humo" 2025 yilni mag'lubiyat bilan boshladi, jamoa endi "Evrosiyo do'stlik kubogi"da bronza medallari uchun kurashadi

Musobaqaning yakuniy bosqichida Toshkentning "Humo" jamoasi, VXL chempioni "Neftyanik" (Almetevsk, Rossiya), Ekstra-Liga chempioni "Metallurg" (Jlobin, Belarus) hamda VXL vice-chempioni AKM (Tula, Rossiya) jamoalari ishtirok etishi haqida xabar bergandik.

Bugun turnirning yarim final bellashuvlari o'tkazilmoqda.

"Humo" final yo'lida "Metallurg" bilan bahs olib bordi. O'yinning asosiy vaqti 3:3 hisobidagi durang bilan yakunlandi. Overtaymda esa omad raqiblarga kulib boqdi. Endi "Humo" ertaga musobaqaning bronza medallari uchun o'yin olib boradi.

"Qanotlilar" safida Dmitriy Savrickiy, Andrey Pavlenko hamda Egor Buyalskiy mualliflik qildi.

Dmitriy Kataev "Metallurg" bilan o'yinda quyidagi tarkibdan foydalandi:

Darvozabonlar:

74 Konstantin Kozlovskiy, 35 Gleb Moiseev.

1) 18 Daniil Karaban - 92 Dmitriy Grenc - 17 Artyom Lixotnikov (A) - 23 Stanislav Borovikov - 3 Edgars Siksna (S)

2) 7 Vadim Kravchenko - 19 Radel Fazleev – 51 Vyacheslav Litovchenko (A) - 86 Dmitriy Savrickiy - 27 Artyom Malcev

3) 73 Egor Buyalskiy - 26 Aleksandr SHevchenko - 15 Andrey Pavlenko - 89 Emil Malishev - 24 Egor Arbuzov

4) 10 Denis Ludcev - 33 Aleksandr Derbenyov - 87 Vasiliy Jilov - 55 Egor Zebzeev - 77 Anton Astashevich.