29 noy 07:31
Yangiliklar

Xokkey

"Humo" chempionat peshqadamini mag'lub etib, turnir jadvalida yuqoriladi

Kecha xokkey bo'yicha Qozog'iston chempionatidan o'rin olgan bir qancha o'yinlar tashkil etildi.

Jumladan, Toshkentning "Humo" xokkey klubi o'z uyida Ust-Kamenogorsk shahrining "Torpedo" jamoasiga qarshi ikkinchi o'yinini o'tkazdi.

Quvonarlisi, bahsda vakillarimiz 4:1 hisobida zafar quchishdi. Toshkentliklar safida Danila Karaban (xet-trik) va Vyacheslav Litovchenko shayba kiritishga muvaffaq bo'ldi.

Mazkur bahsdan keyin "Humo" ochkolari soni 26 taga etib, turnir jadvalida to'rtinchi o'ringa ko'tarilib oldi. Peshqadam bo'lib turgan "Torpedo" hisobida esa 33 ochko bor.

Malumot o'rnida, "qanotlilar" keyingi o'yinlarini 3-4 dekabr kunlari Toshkentda "Irtish"ga qarshi o'tkazadi.