"Humo" final doirasida "Nomad"ga qarshi navbatdagi o'yinlarini qachon o'tkazadi?

Xabaringiz bor, kecha Toshkentning "Humo" klubi Qozog'iston Ochiq chempionati finali doirasida "Nomad"ga qarshi ikkinchi o'yinini o'tkazib, 3:6 hisobida mag'lubiyatga uchragan edi.

Jamoamiz qozog'istonlik raqiblariga qarshi ikkita uchrashuvning birinchisida g'olib bo'lgan bo'lsa, ikkinchisida mag'lubiyat alamini totib ko'rdi. Hozircha umumiy hisob - 1:1.

"Qanotlilar" endi "Nomad"ga qarshi uchinchi o'yinini 7 aprel kuni safarda o'tkazadi. Ostona shahrida o'tuvchi uchrashuv soat 18:00 da boshlanadi. 8 aprel kuni to'rtinchi o'yin bo'lib o'tadi. Har qanday holatda ham Toshkentda bu jamoalar kamida yana bitta uchrashuvda to'qnash kelishadi.