"Humo" hujumchisi, himoyachisi va darvozaboni o'z poziciyasi bo'yicha Qozog'iston chempionatida eng yaxshisi bo'lib turibdi + FOTO

Hozirga kelib, jamoalar 20 ta o'yin o'tkazib ulgurishdi.

Etiborlisi, "Humo" xokkeychilari har bir poziciya bo'yicha chempionatda eng yaxshi natijaga ega bo'lib turishibdi.

Jumladan, hujumchi Vadim Kravchenko to'purarlar poygasida peshqadam. U 20 ta o'yinda 18 ta shayba kiritgan va 11 ta assist amalga oshirgan holda 29 ochko muallifiga aylangan.

Ilya Nazarevich esa chempionatda himoyachilar orasidagi eng yaxshi natijani qayd etmoqda. U 18 ta o'yinda 6 ta shayba kiritgan va 13 ta assist amalga oshirgan.

"Qanotlilar" poydevori, yani darvozabon Damir SHaymardanov esa musobaqada eng yaxshi darvozabon bo'lib turibdi. Posbon 20 ta o'yinda muzga chiqqan. U zarbalarning 95,8 %ni bartaraf eta olgan.