18 avg 08:15
Yangiliklar

Xokkey

"Humo" kecha Evro-Osiyo Do'stlik kubogi doirasida "Nomad"ni taslim etdi, bugun musobaqaning so'nggi o'yini

Kecha Belarusda xokkey bo'yicha Evro-Osiyo Do'stlik kubogining ikkinchi turidan o'rin olgan o'yinlar o'tkazildi.

Xabar berganimizdek, musobaqada Toshkentning "Humo" jamoasi ham ishtirok etmoqda. "Qanotlilar" kecha ikkinchi tur doirasida azaliy raqibi, Qozog'iston chempionatining amaldagi g'olibi "Nomad" bilan bahs olib bordi va 2:1 hisobida overtaymda g'alabani o'ziniki qildi.

Bugun "Humo" Rossiyaning Krosnoyarsk shahri sharafini himoya qiluvchi "Sokol" jamoasiga qarshi muzga chiqadi. Klubning musobaqadagi so'nggi o'yini Toshkent vaqti bilan 13:00 da start oladi.