"Humo" mavsumoldi ilk transferini elon qildi

Jamoa yangi mavsum oldidan ilk transferini elon qildi. Unga ko'ra rossiyalik himoyachi Ilya Nazarevich endilikda "qanotlilar" jamoasi safida harakat qiladi. Ilya shu kungacha Rossiya va Belarusning 23 ta jamoasida turli musobaqalarda 230 ta o'yinda muzga chiqqan va raqiblar darvozasiga 38 ta shayba kiritgan. SHuningdek, Nazarevich faoliyati davomida sheriklarining 58 ta goliga hammualliflik qilgan. Uning so'nggi klubi Rossiyaning "Zvezda" jamoasi bo'lib turibdi.

Nazarevich jamoa bilan kelishuvga erishganidan so'ng "qanotlilar"ga salom yo'lladi:

"Assalomu alaykum, O'zbekiston! "Humo"dek jamoaning bir qismiga aylanganimdan juda xursandman. Toshkentda ajoyib arena va uchrashuvlar paytidagi muhit mavjud.

Men va oilam uchun bu boshqa mamlakatda yashashning yangi tajribasi. Odamlarning mehmondo'stligi haqida eshitganmiz. Men allaqachon muzga chiqishni va "Humo" muxlislarini o'yinlarimiz bilan xursand qilishni intiqlik bilan kutyapman.

Qachon kelib, haqiqiy o'zbek palovini tatib ko'ramiz, deb uydagilar hozirdan so'rashmoqda. Bolalar allaqachon O'zbekiston bayrog'i va xaritadagi joylashuviga qiziqishmoqda. Ular har doim yangi do'stlar va sarguzashtlar orttirishdan xursand. Men esa o'z navbatida, jamoaga o'z maqsadlariga erishish va klub hamda mamlakatga g'alaba keltirishda yordam berishga qaror qildim".

Avvalroq, "Humo" ximoyachisi Nikita Zimin faoliyatini Rossiyaning "Molot" jamoasida davom ettirishi haqida xabar bergan edik.