⚡️"Humo" o'z tarkibiga NHL sobiq xokkeychisini qo'shib oldi + FOTO

Jamoa kecha navbatdagi transferni elon qildi.

Unga ko'ra, rossiyalik himoyachi Rinat Valiev endilikda "qanotlilar" safida o'ynaydi. Rinat 1995 yil 11 may kuni Rossiyaning Nijnekamsk shahrida tug'ilgan. U Qozon shahrining "Ak-Bars" klubi tarbiyalanuvchisi hisoblanadi.

Xokkeychi o'smirlik yillarida "Indiana Ays" hamda "Kuteney Ays" klublari safida SHimoliy Amerikaning USHL va WHL ligalarida o'ynagan.

2014 yilgi mavsumda esa NHL ishtirokchisi "Toronto Meypl Lifs" klubi uni o'z safiga qo'shib oladi. Rinat NHL'da "Toronto Meypl Lifs" hamda "Monreal Kanadiens" klublari safida jami 12 ta o'yinda muzga chiqgan.

Daraja jihatidan NHL'dan keyingi o'rinda turuvchi AXL (Amerika xokkey ligasi) ligasida esa 260 ta o'yin o'tkazgan va 85 ochko (19+66) jamg'argan. U AXLda "Toronto Marlis", "Stokton Xit" va "Laval Roket" jamoalari uchun o'ynagan.

KXLda esa "Ak Bars", "Dinamo Minsk" va "Admiral" jamoalari sharafini himoya qilgan.