"Humo" Qozog'iston Kubogi finaliga yo'l oldi!

Hozirgina Toshkentning "Humo" klubi Ust-Kamenogorskning "Torpedo" jamoasiga qarshi yarim final uchrashuvini yakunladi. O'yinning asosiy vaqtida 1:1 hisobi qayd etildi. Besh daqiqalik overtaymda hisob o'zgarmadi. Bullitlar seriyasida esa "qanotlilar"ning qo'li baland keldi va "Humo" finalga yo'l oldi. 

Eslatib o'tamiz, "Humo" jamoasi guruh bosqichidagi 4 ta uchrashuvning barchasida g'alaba qozonib, 100 foizlik natija bilan pley-offga yo'l olgan edi. "Humo"ning finaldagi raqibi bugun oqshom "Arlan" va "Aktobe" klublari o'rtasida o'tkaziladigan ikkinchi 1/2 final uchrashuvidan so'ng malum bo'ladi.