"Humo" Qozog'iston Kubogida ishtirok etmoqda. Jamoa hozirgacha o'tkazilgan ikkala bahsda ham g'alabaga erishdi!

Musobaqada Toshkentning "Humo" klubi ham ishtirok etmoqda. "Qanotlilar" turnirning "B" guruhidan o'rin olishgan. Ushbu guruhda vakillarimizdan tashqari, "Arlan", "Irtish", "Sariarka" hamda "Gornyak" jamoalari ham bor. Hozirgacha xokkeychilar ikkitadan uchrashuv o'tkazishga ulgurishdi.

Quvonarlisi, "Humo" har ikki bahsda g'alabaga erishdi. Ilk o'yinda xokkeychilarimiz "Irtish" bilan to'qnash kelib, bullitlar seriyasida (3:2) g'alabani ilib ketishgan bo'lsa, kecha o'tkazilgan ikkinchi uchrashuvda "Gornyak" mag'lub etildi - 1:0.

Ertaga "qanotlilar" navbatdagi uchrashuv doirasida "Sariarka"ga qarshi muzga chiqishadi. Bahs Toshkent vaqti bilan soat 12:00 da start oladi.

Malumot uchun, ayni damda "Humo" kubok bahslarining guruh bosqichida ikkinchi o'rinni egallab turibdi.