"Humo" raqiblari - KXL klubining "ukasi" "Nomad" haqida

Biz "qanotlilar"ning mazkur chempionatdagi raqiblarini tanishtirishni boshlaymiz

"Nomad" xokkey klubi Qozog'iston poytaxti Nur-Sulton sharafini himoya qiladi. Ushbu jamoa 2007 yilda tashkil etilgan. Kontinental xokkey ligasida ishtirok etadigan "Barys"ning farm-klubi xisoblanadi. “Nomad” 2013 yilda o'z nomini o'zgartirgan bo'lib, avvallari "Barys-2" nomi bilan tanilgan. 

O'tgan mavsumda jamoa Qozog'iston chempionatining yarim finaligacha etib kelib, Qarag'andaning “Saryarka” jamoasiga imkoniyatni boy bergan. Klub 2016/17 yilgi mavsum chempioni, shuningdek, Qozog'iston chempionatining uch karra kumush medali sohibi hisoblanadi. 2019/20 yilgi mavsumda ular Oliy hokkey ligasida (VXL) ishtirok etishdi, ammo 2020/21 yilgi mavsumdan boshlab Qozog'iston chempionatiga qaytgan.

Uy o'yinlarini "Baris Arena" B blokida o'tkazadi, sig'imi 800 kishi. 2015 yil 8 avgust kuni arena rasman ochilgan.

"Humo" Toshkentda "Nomad" bilan 11 sentyabr kuni soat 17.00da, 12 sentyabr kuni esa 19.00da muzga tushadi. CHiptalarni 1 sentyabrgacha iTicket.uz saytidan 30% chegirma bilan xarid qiling.