29 avg 12:15
Yangiliklar

Xokkey

"Humo" so'nggi o'yinda g'alaba qozonganiga qaramay, Qozog'iston kubogidagi ishtirokini yakunladi

Toshkentning "Humo" xokkey klubi endi bor etiborini Qozog'iston chempionati tayyorgarligiga qaratadi.

Jamoa Qozog'iston kubogining "A" guruhi bellashuvlarida ishtirok etib, so'nggi tur doirasida "Almati"ga qarshi muzga chiqdi va 4:1 hisobida g'alaba qozondi.

Kechagi g'alabadan so'ng toshkentliklar guruhda 4 ochko bilan to'rtinchi o'rinni egalladi. Guruhda "Kulager" jamoasi 6 ochko bilan birinchi bo'ldi. Ikkinchi o'rin esa "Arlan"ga nasib etdi.

SHu tariqa, kubokning amaldagi g'olibi bo'lmish "Humo" bu safargi musobaqani guruh bosqichida yakunlashga majbur bo'ldi.