"Humo" xokkeychilari Qozog'iston chempionatida dekabr oyining eng yaxshilari bo'lishdi

SHu bois, dekabr oyi reytingidagi barcha nominaciyalar bo'yicha g'oliblikni Toshkent jamoasi vakillari qo'lga kiritishdi.

Eng yaxshi darvozabon – Konstantin Kozlovskiy ("Humo")

Kozlovskiy "Humo"ning muvaffaqiyatida katta rol o'ynadi. U muzga tushgan 7 o'yinning 6 tasida jamoa g'alaba qozondi. Yagona mag'lubiyat "Beybarys"ga qarshi o'yinda qayd etildi (1:0). O'rtacha hisobda u har o'yinda 1,61 gol o'tkazib yubordi va zarbalarning 93,15% ni qaytardi. Darvozabon dekabr oyida jami 372 daqiqa va 26 soniya muzda bo'lib, bu ko'rsatkich bo'yicha liganing eng yaxshi natijasini qayd etdi.

Eng yaxshi himoyachi – Edgar Siksna ("Humo")

Uchrashuvlarning dastlabki uch oyi davomida Siksna 9 ochko to'plagan bo'lsa, dekabrda uning hisobiga 7 ochko qo'shildi: u bitta gol urdi va 6 golli uzatma berdi (+2 foydalilik ko'rsatkichi). Ushbu o'yinlar davomida himoyachi atigi 4 jarima daqiqasi ishladi.

Eng yaxshi hujumchi – Vadim Kravchenko ("Humo")

Tajribali hujumchi dekabrda jamoasiga sezilarli darajada yordam berdi. Kravchenkoning hisobida 7 gol va 6 golli uzatma bor (+5 foydalilik ko'rsatkichi). U 10 o'yindan 8 tasida ochko to'pladi. Agar u ochko to'plamagan bo'lsa, jamoa mag'lub bo'lgan. SHu jumladan, bir xet-trik qayd etdi, ikki goli “Humo” uchun hal qiluvchi bo'ldi. Kravchenko dekabr oyida 56 marta darvozaga zarba yo'llab, liganing eng ko'p zarba bergan o'yinchisi bo'ldi.