27 iyu 06:46
Yangiliklar

Xokkey

"Humo" yana bir tajribali hujumchi bilan shartnoma imzoladi

Toshkentning "Humo" xokkey klubi yana bir transferga qo'l urdi.

Rossiyalik hujumchi Anton Glovackiy bundan buyon "qanotlilar" safida harakat qiladi. Forvard 1988 yil 6 avgust kuni Magnitogorskda tug'ilgan. "Metallurg" klubi tarbiyalanuvchisi hisoblanadi.

O'tgan mavsumni Voronejning "Buran" hamda Orskning "Yujniy Ural" klublari bilan Yuqori Xokkey Ligasida o'tkazib, 50 ta o'yinda muzga chiqdi va 25 ochko (8+17) jamg'ardi. Yuqori xokkey ligasida umumiy hisobda 584 ta o'yin o'tkazib, 355 ochko (134+221) ishlagan.