12 avg 11:20
Yangiliklar

Xokkey

"Humo" yana bir yosh hujumchi bilan kelishuvga erishdi

"Humo" jamoasi Qozog'iston chempionatidagi ishtiroki oldidan navbatdagi transferni elon qildi.

Unga ko'ra, rossiyalik hujumchi Sergey SHikov endilikda Toshkent klubi safida o'ynaydi. SHikov 2004 yil 28 dekabr kuni Moskva shahrida tug'ilgan. U "Vityaz" klubi tarbiyalanuvchisi hisoblanadi. O'tgan mavsumni Stupino shahrining "Kapitan" jamoasida o'tkazgan.

Sergey SHikov "Humo" safida 89-raqamda harakat qiladi.

Avvalroq, "Humo" jamoasi 16-19 avgust kunlari Belarusda xalqaro Evro-Osiyo Do'stlik kubogida ishtirok etishi haqida xabar bergan edik.