31 may 10:43
Yangiliklar

Xokkey

"Humo"dan ajoyib transfer. "Qanotlilar" "Sariarka"ning eng sermahsul xujumchisi bilan shartnoma imzolashdi!

Toshkentning "Humo" xokkey klubi yangi mavsum oldidan navbatdagi transferni amalga oshirdi.

Rossiyalik 30 yoshli xujumchi Anton Zlobin endilikda "Humo" jamoasi safida o'ynaydi. Zlobin 1993 yil 22 fevralda Moskva shahrida tavallud topgan. "Spartak" klubi tarbiyalanuvchisi QXLda 83 ta o'yin o'tkazib, 10 ochko (7+3) to'plagan.

VXLda esa 197 ta o'yinda ishtirok etgan Antonning hisobida 92 ball (35+57) mavjud. Zlobin o'tgan mavsumni Qarag'andaning "Sariarka" jamoasida o'tkazdi. U mazkur jamoaning 51 ta o'yinida muzga chiqib, 55 ochko (29+26) ishlashga muvaffaq bo'ldi.

Avvalroq, "Humo" ximoyachi Aleksandr Sorokin bilan kelishuvga erishgan edi.