Humoyun Sultonov Australian Open yarim finalchisiga qarshi o'yin haqida: "Avval Kasper Ruud bilan ham o'ynaganman"

Bugun poytaxtimizda joylashgan Hilton mehmonxonasida Devis Kubogi saralash bosqichidan o'rin olgan O'zbekiston — AQSH o'yini oldidan matbuot anjumani tashkil etildi. Unda mamlakatimizning ayni damdagi uchinchi raketkasi Humoyun Sultonov ham ishtirok etdi va ertaga bo'lib o'tadigan o'yinlar oldidan o'z fikrini bildirdi.

Humoyun Sultonov qura natijasiga ko'ra, yaqinda yakunlangan Avstraliya ochiq chempionati yarim finalchisi Tommi Polga qarshi o'ynaydi.

— Raqibingiz Avstraliya ochiq chempionatida yarim finalgacha etib bordi. Siz bunday nomdor raqibga qarshi psixologik tomondan o'zingizni qanday tayyorlamoqchisiz?

"Avval ham kuchli sportchilarga qarshi o'yganman. 2018 yilda o'sha paytda top-10 likda turuvchi norvegiyalik Kasper Ruud bilan o'ynaganman. Bunga asosan sardor bilan tuzilgan reja bo'yicha tayyorlanamiz", - deydi Sultonov.

Malumot uchun, Humoyun Sultonov ertaga AQSHning birinchi raketkasi Tommi Polga qarshi kortga chiqadi. Uchrashuv Toshkentdagi Respublika olimpiya zahiralari kollejida 13:00 da boshlanadi.