Humoyun Sultonov ertaga bahs olib boradigan raqibi bilan ilk bor 2016 yilda to'qnash kelgandi, o'shanda natija qanday bo'lgan?

Quvonarlisi, musobaqada uzoq tanaffusdan keyin yana o'zbekistonlik tennischi ishtirok etadi.

Mamlakatning birinchi raqamli raketka ustasi Humoyun Sultonov turnirning kvalifikaciya bosqichida omadini sinab ko'radi. Unga saralashning ilk raundida kolumbiyalik aniel Elaxi Galan raqiblik qiladi.

Namanganda tug'ilgan 26 yoshli Humoyun Sultonov 28 yashar Galan bilan shu kunga qadar bir marotaba uchrashgan. Ularning o'yini 2016 yil Italiyaning Lechcho shahrida o'tkazilgan ITF turniri doirasida tashkil etilgan. O'shanda Sultonov 2:1 (3/6, 7/6, 6/4) hisobida g'alaba qozongandi.

Statistika sifatida takidlash lozim, Humoyun Sultonov so'nggi 5 ta o'yinini Australian Open o'ynaladigan xard kortlarida o'tkazdi va uning 3 tasida g'alaba, 2 tasida mag'lubiyat qayd etdi. Galan esa oxirgi ikki o'yinini xard kortlarida o'tkazib, bittadan g'alaba va mag'lubiyatni o'z hisobiga yozib qo'ydi. Umuman olganda, kolumbiyalik sportchi so'nggi beshta o'yinida 3 ta mag'lubiyat, 2 ta g'alaba qayd etgan.

Taqqoslash uchun, Humoyun Sultonov ayni damda ATP reytingida 223, Galan esa 126-o'rinni band etib turibdi. Daniel ham o'z yurtinining birinchi raqamli tennischisi bo'lib turibdi.

Humoyunning Galanga qarshi o'yini Toshkent vaqti bilan 6 yanvar kuni tonggi 4:00 da start olishi belgilangan.