Humoyun Sultonov faoliyati davomida ilk bor "Katta dubulg'a" turkumidagi musobaqada g'alaba qozondi

Xabaringiz bor, bugun Avstraliyaning Melburn shahrida tennis bo'yicha "Katta dubulg'a" turkumidan o'rin olgan Avstraliya Ochiq chempionati start oldi.

Ahamiyatlisi, bu yilgi turnirda O'zbekistonning birinchi raqamli tennischisi Humoyun Sultonov ham ishtirok etmoqda. U bugun kvalifikaciyaning ilk raundida kolumbiyalik Daniel Elaxi Galanni 2:1 (6/3, 6/7(2), 7/5) hisobida taslim etdi.

Bu Humoyunning faoliyatidagi ilk "Katta dubulg'a" turniri sanaladi. SHunday ekan, 26 yoshli hamyurtimiz debyutni g'alaba bilan boshlay olgani etiborga molik.

O'zbekistonlik tennischilardan so'nggi bor Denis Istomin "Katta dubulg'a" musobaqalarida bahs olib borgandi. Uning Avstraliya Ochiq chempionatidagi oxirgi ishtiroki 2021 yilga to'g'ri keladi.

Malumot uchun, saralashning ikkinchi bosqichida Sultonov chexiyalik Dalibor Svrchina bilan to'qnash keladi. 

Taqqoslash uchun, Humoyun ATP reytingida 215, Svrichina esa 228-o'rindan joy olgan.