30 iyu 12:59
Yangiliklar

Tennis

Humoyun Sultonov President's Cup vice-chempioni

Qozog'istonning Astana shahrida o'tkazilayotgan tennis bo'yicha "CHellenjer" turkumiga kiruvchi turnir o'z yakuniga etdi.

Mukofot jamg'armasi 40 ming AQSH dollarini tashkil etuvchi musobaqada ikkinchi raketkamiz Humoyun Sultonov ham muvaffaqiyatli ishtirok etdi. Dunyoning 550-raketkasi bo'lib turgan Sultonov biroz avval yakuniga etgan final uchrashuvida qozog'istonlik tajribali Denis Evseevga qarshi kortga chiqdi.

Ikki soatu 24 daqiqa davom etgan dramatik finalda tajriba o'z so'zini aytdi. Turnirda uchinchi raqam ostida tasniflangan, dunyoning 412-raketkasi bo'lgan Evseev hal qiluvchi pallada o'z mahoratini ishga soldi - 7/5, 2/6, 6/4. Denis o'tgan yilgi turnirning finalida yutqazib qo'ygandi.

Humoyun Sultonov Astanadagi ishtirokidan 30 reyting ochkosi va 3260 dollar mukofot puli ishlab oldi. Evseev esa 50 ochko va 5500 dollarga ega bo'ldi.