30 sen 19:40
Yangiliklar
Tennis
Humoyun Sultonov Qozog'istondagi turnirni g'alaba bilan boshladi
Qozog'istonning Nursultan shahrida tennis bo'yicha erkaklar o'rtasida mukofot jamg'armasi 54 160 dollarni tashkil etuvchi turnir start oldi.
Bugun musobaqaning ilk kunida hamyurtimiz Humoyun Sultonov franciyalik S.Dumbiyaga qarshi kortga chiqishi lozim edi. Biroq, francuz sportchisining jarohati sabab tennischimiz mezbon Sagadat Ayapga qarshi o'yin o'tkazdi. 1 soat 26 daqiqa davom etgan o'yinda Humoyun raqibini 7:6, 6:3 hisoblarida mag'lub etdi va ikkinchi davraga yo'l oldi.
Taqqoslash uchun Humoyun ayni paytda jahon reytingida 384, Ayap esa 925-pog'onani egallab turibdi. Endi tennischimiz ikkinchi davrada boshqa bir mezbon sportchi Dmitriy Popkoga (209)ga qarshi o'yin o'tkazadi.
Eslatib o'tamiz, ushbu musobaqada shuningdek Denis Istomin va Jo'rabek Karimov ishtirok etmoqda. Jo'rabek ertaga rossiyalik Ivan Gaxovga qarshi kortga chiqadi.
Havola :
Manba : olamsport.com
Fikrlar