10 apr 14:10
Yangiliklar

Boks/MMA

Humoyun To'xtamurodov, Toni Fergyuson va Dillon Denis ishtirok etishi kerak bo'lgan GFL'ning may oyidagi turnirlari bekor qilindi

Global Fight League (GFL) promousheni o'zining dastlabki rejalashtirilgan turnirlarini bekor qildi.

Liga rasmiy debyutini 24 va 25 may kunlari Los-Anjelesda o'tkazishi kerak edi. Ikki kun davom etadigan musobaqa 30 ta jangni o'z ichiga olishi kerak edi.

Kaliforniya Atletika Komissiyasi ijrochi direktori Endi Foster musobaqalar bekor qilinganini tasdiqladi.

Ijtimoiy tarmoq foydalanuvchilarining katta qismiga ko'ra, Liga rahbariyatida musobaqalarni tashkil etish uchun etarlicha mablag' yo'q.

24 may kungi musobaqa doirasida o'zbekistonlik Humoyun To'xtamurodov oktagonga chiqishi kerak edi. Ikkinchi turnirning markaziy jangi esa UFC sobiq jangchisi Toni Fergyuson va Dillon Denis kechishi kerak edi.

Hozircha GFL o'z sahifalarida bu haqda rasman malum qilmadi.