"Hurmat sabab itimga uning ismini qo'yganman". Serena Uilyams "Uimbldon"da qaysi erkak tennischiga muxlislik qilishini aytdi

"Katta Dubulg'a" turkumiga kiruvchi ushbu musobaqaning asosiy to'r bahslari ertaga start oladi. Serena ushbu turnirda ispaniyalik tennis afsonasi Rafael Nadalga muxlislik qiladi. 

"Bu yilgi mavsumda u aqlni shoshirib qo'yadigan darajada fantastik o'yin namoyish etmoqda. Men hamisha uning muxlisi bo'lganman. Uning hurmati tufayli hatto itimga ham uning ismini qo'yganman. Albatta, men Rafaga muxlislik qilaman. Haqiqatan ham uning bu yilgi natijalari ajoyib bo'lmoqda", - deya Serenaning so'zlarini keltirmoqda Daily Mail.