Husanov, Fayzullaev va boshqalar. Bugun yana qaysi legionerlarimizning o'yinlari bor?

Rustam Ashurmatov harakat qiladigan «Rubin» jamoasi bugun «Lokomotiv»ga qarshi bahs olib boradi. Uchrashuv 16:00 da start oladi.  SHuningdek, Abbosbek Fayzullaev harakat qiladigan CSKA jamoasi ham bugun navbatdagi tur uchrashuvini o'tkazadi. Moskva jamoasi bugun «Axmat»ni mehmon qiladi. Uchrashuv Toshkent vaqti bilan soat 21:30 da start oladi.

Jasurbek Yaxshiboev va SHahboz Umarov harakat qiladigan «Ordabasi» jamoasi bugun «Qiziljar»ga qarshi bahs olib boradi. Uchrashuv soat 16:30 da start oladi.

Turkiyaning «Kayserispor» jamoasi bugun navbatdagi tur uchrashuvini «Trabzonspor»ga qarshi o'tkazadi. Mezbonlar safida terma jamoamiz etakchilaridan biri Otabek SHukurov harakat qiladi. Uchrashuv soat 21:00 da boshlanadi.

SHuningdek, bugun Abduqodir Husanov harakat qiladigan «Lans» jamoasi «Klermon»ga qarshi bahs olib boradi. Uchrashuv 23:55 da boshlanadi.