Ignatiy Nesterov 12 kundan keyin mashg'ulotlarni boshlash huquqiga ega

OFK Nesterovni 2019 yilning 12 oktyabr sanasiga qadar futboldan chetlashtirgandi. O'zPFL 4 avgustdan 5 avgustga o'tar kechasi yozgi transfer bozorini yopadi. Mazkur oraliqda Ignatiy Nesterov Superliga uchun ro'yxatdan o'tkaziladi. Bu borada O'FA OFK bilan bog'lanib, barcha masala reglamentga asosan hal qilinishi yuzasidan ishladi. Ayni vaqtda Nesterov "Lokomotiv" qiziqishlari doirasida bo'lib turibdi.

Qoidaga ko'ra, futbolchi qaytish sanasidan ikki oy muqaddam jamoaviy mashg'ulotlarga qo'shilish huquqiga ega. Agar u 12 oktyabr kuni jamoasining qaydnomasiga kiritilsa, Superliganing 22-turidan boshlab maydonga tushish imkoniyatiga ega bo'ladi.

Nesterov JCH-2022 saralashining Falastin, Yaman, Singapurga qarshi o'yinlarida ishtirok eta olmaydi. Murabbiylar shtabi lozim topsa va o'z formasini tez orada tiklab olsa, balki noyabr oyidagi Saudiya Arabistoni hamda Falastinga qarshi takroriy o'yinlarda ishtirok etishi mumkin bo'lar", - deb yozadi Diyor Imomxo'jaev telegramdagi o'z kanalida.