Indoneziya Olimpiada-2032 uchun davogar

Masala davlat darajasigacha ko'tarilgan. Prezident Joko Vidodo Vazirlar Mahkamasiga takliflarni muvofiqlashtirish qo'mitasini shakllantirish va mamlakat salohiyatini targ'ib qilish yuzasidan batafsil reja ishlab chiqish to'g'risida ko'rsatma berdi.

XOQ tomonidan saylovoldi tashviqoti hali rasman elon qilingani yo'q. Tashkilot potencial nomzodlardan hujjatlarni faqat 2023 yilda qabul qilishni boshlaydi, ammo o'yinlar mezbonligiga davogarlar etarli. Yoz oyida qatarliklar o'z qiziqishlarini bildirishgan edi. Yaqin SHarqdagi hamkasblarining faol harakati Indoneziya Milliy olimpiya qo'mitasi rahbari Raju Sapta Oktoxarini qatiy choralar ko'rishga undadi. U XOQqa yozma bayonot berib, mamlakat rasmiylaridan Jakarta nomzodini ilgari surishda qo'llab-quvvatlashini so'radi.

Malum bo'lishicha, ushbu murojaat etiborsiz qolmagan ko'rinadi. Indoneziya Prezidenti Joko Vidodo hukumat azolarini XOQga topshiriladigan arizani muhokama qilish uchun yig'di.

– Mamlakatimiz 2018 yilgi Osiyo o'yinlariga muvaffaqiyatli mezbonlik qildi. Bu Indoneziyaning dunyo miqyosida xalqaro sport tadbirlarini o'tkazish uchun munosib joy ekanligiga ishonchni oshiradi, – dedi Joko Vidodo.

Jakarta Post xabariga ko'ra, davlat rahbari byudjet va koncepciyani batafsil o'rganish bilan shug'ullanadigan, shuningdek, barcha kerakli tadqiqotlarni olib boradigan ariza komissiyasini tuzishga buyruq bergan. Uning asosiy vazifasi Indoneziya nomzodini raqiblariga nisbatan ijobiy ustunligini aniqlab olishdir.

Ikki yil muqaddam Osiyo o'yinlari mamlakatning bir nechta shaharlarida bo'lib o'tgan edi, ammo poytaxt Jakarta musobaqaning asosiy masuliyatini zimmasiga olgani malum. Indoneziya MOQ prezidenti Raja Sapta Oktoxari Olimpiya o'yinlari mezbonligiga faqat Jakartani kiritish kerakligini takidlamoqda. SHu bilan birga, muqobil koncepciya ham mavjud. U ham bo'lsa, sport anjumanini davlatning amaldagi poytaxti va SHarqiy Kalimantan viloyatida barpo etilayotgan yangi poytaxt o'rtasida taqsimlash.

Eslatib o'tamiz, Indoneziya va Qatardan tashqari, Avstraliyaning Kvinslend shtati ham 2032 yilgi o'yinlarga davogarlik qilmoqda. Biroq, pandemiya bois Yashil qita vakillari ariza berish jarayonini to'xtatib turishga qaror qilishdi. SHimoliy Reyn-Vestfaliya mintaqasining 13 shahrida musobaqalar o'tkazishni istagan Germaniya ushbu loyihaga jiddiy qiziqish bildirmoqda. SHu paytgacha individual bayonotlar bilan cheklanib kelayotgan Turkiya ham poygaga qo'shilishi mumkin.