Indor xokkey: Terma jamoamiz Osiyo kubogida bronza medaliga ega chiqdi

Ushbu nufuzli turnirda ham erkaklar, ham ayollar terma jamoamiz munosib ishtirok etdi. 

Rinat Mamatkazin murabbiyligidagi erkaklar termamiz o'z guruhida Xitoy Taypeyi (7:2), Singapur (2:1) va Nepal (13:2) termalarini mag'lubiyatga uchratib, faqat Qozog'iston terma jamoasiga imkoniyatni boy bergan (1:4) holda guruhda 2-o'rin egasi sifatida yarim finalga yo'llanma oldi. Yarim finalda “V” guruhi g'olibi, sportning ushbu turi bo'yicha qitada etakchilardan hisoblangan Eron termasiga ham yutqazib qo'ydi (1:9). Nihoyat, 3-o'rin uchun Malayziya termasiga qarshi kechgan o'yinda ham hamyurtlarimizga omad etishmadi (3:6). SHu tariqa erkaklar terma jamoamiz qitada to'rtinchi jamoa nomiga loyiq topildi.

Erkaklar o'rtasidagi musobaqalarda eronliklar oltin, Qozog'iston kumush va nihoyat malayziyaliklar bronza medaliga ega chiqishdi. O'zbekiston erkaklar terma jamoasi 4-o'rin bilan kifoyalandi.

Oybek Patiddinov ustozligidagi ayollar terma jamoamiz ham musobaqani ko'tarinki ruhda o'tkazdi. Qizlarimiz guruhda Nepal (9:0), Filippin (11:0) termalarini yirik hisoblarda mag'lub etib, Qozog'iston (2:7) va Eron termasiga (1:4) imkoniyatni boy berishdi. To'plar nisbatiga ko'ra guruhda ikkinchi o'rindan joy olgan hamyurtlarimiz yarim finalda tailandliklarga kichik hisobda (3:5) yutqazib qo'yishdi.

3-o'rin uchun kechgan bahsda xokkeychi qizlarimizga ham malayziyaliklar ro'baro' keldi. Uchrashuvning asosiy vaqtida durang qayd etildi, bulut bo'yicha omad o'zbekistonliklarga kulib boqdi (1:0). SHu tariqa terma jamoamiz qitaning nufuzli musobaqasida faxrli 3-o'rinni qo'lga kiritdi.

Ayollar bahsida bosh sovrin qozog'istonliklarga nasib qildi. Tailand va O'zbekiston terma jamoalari ikkinchi va uchinchi o'rinlarni bo'lishib oldi.