“Inter” JCH-2018ning eng yaxshi futbolchisi uchun 40 mln taklif qildi

Madridning “Real” klubi etakchisi Luka Modrichga hamon Milanning “Inter” jamoasi jiddiy qiziqish bildirmoqda. Xorvatiyaning Index nashri xabariga ko'ra, “Inter” va “Real” klublari JCH-2018ning eng yaxshi futbolchisi transferi yuzasidan muzokaralarni boshlashgan. 

Manbaning xabar berishicha, milanliklar futbolchi uchun 40 million evro taklif qilishgan. “Qirollik klubi” esa Modrich uchun 70 million evro so'ramoqda. O'ttiz ikki yoshli Lukaning “Real” bilan shartnomasi 2020 yilgacha imzolangan.