So’nggi yangiliklar

19:18Таэквондочиларимиз янгиланган Жаҳон рейтингида нечанчи ўринларни эгаллаб туришибди? 0 18:42UFC 337 турнирининг санаси ва ўтказилиш жойи маълум бўлди 0 18:14Чимаев UFC собиқ чемпиони билан беллашув ўтказиши мумкинлигини айтди 0 17:49Ромелу Лукаку Бельгия терма жамоасидаги фаолиятини якунлаганини эълон қилди 0 17:22Жасурбек Рустамхонов Чехия хоккейи тарихига кирди 0 16:50Норвегия россиялик ва беларуслик спортчиларнинг мусобақалар учун мамлакат ҳудудига киришини тақиқлайди 0 16:19Расман! Руслан Абдуллаевнинг рақиби, жанг санаси ва манзили эълон қилинди 0 15:48Почеттино МЮга нигериялик "девор"ни олиб келмоқчи 0 15:17Гукеш жаҳон тожи учун матч олдидан Жавоҳир Синдаров ҳақида гапирди 0 14:46Қирғизистонда Олимпиада ғолиб ва совриндорлари учун умрбод стипендиялар тасдиқланди 0 14:15Zagreb Grand Prix 2026 турнирини иккита медаль билан якунладик 0 13:44Де ла Фуэнте Испаниянинг Англиядан учраган мағлубияти ва тўхтатилган тарихий серия ҳақида гапирди 0 13:13Расман. Mangu 7 турнирининг санаси ва манзили эълон қилинди + ПОСТЕР 0 12:42Дзюдочиларимиз "ШҲТ Очиқ кубоги"да 7 та медаль қўлга киритишди 0 12:11UFC Fight Night 296 турнирининг асосий жанги эълон қилинди + ПОСТЕР 0

05 sen 16:09
Yangiliklar

Boks/MMA

Intervyu. Hasanboy Do'smatov: “G'alabamni Messiga o'xshab nishonlayman deb niyat qilgandim”

Yaqinda o'z yakuniga etgan Rio Olimpiadasida ajoyib natija qayd etgan sportchilarimiz orasida futbolning ashaddiy ixlosmandlari ham bor ekanligiga guvoh bo'lishdi.

Ayniqsa, SHahram G'iyosovning g'alabani Ronalduga xos tarzda nishonlashi esa, ushbu futbolchining muxlislarini shod etganligi sir emas. Lekin ushbu Olimpiadada yana bir iqtidorli bokschimizning futbolga befarq emasligini payqab qoldik. Buni ko'pchilik bilgan bo'lsa, kimlardir ahamiyat bermadi. 49 kg vazn toifasida Olimpiya chempioniga aylangan charm qo'lqop ustamiz Hasanboy Do'smatov finaldagi g'alabasini Messi uslubida nishonladi va bu bizni befarq qoldirmadi. Bokschimiz bilan bog'lanib, ushbu nishonlash va umuman futbol borasida suhbat qurdik. Quyida suhbatni etiboringizga havola qilamiz.

- Hasanboy, finaldagi g'alabangizni o'ziga xos tarzda nishonladingiz, yani Messi uslubida yoki biz yanglishyapmizmi?
- Yo'q, to'g'ri topdingiz. Jang avvalida ko'pchilik yaqinlarimga aytgandim. Agar g'alaba qozonsam, Messi tarzida nishonlayman deb.

- Demak argentinalik dahoning muxlisi ekansiz-da?
- Albatta, uning maydondagi harakatlari va kamtarligi ham tahsinga loyiq.


- “Barselona”-chi?
- Sevimli futbolchimning klubi. SHuning uchun ham ushbu jamoaga muxlislik qilaman.

- Argentina terma jamoasi...?
- Har qanday ishtirokini qoldirmaslikka harakat qilaman.

- Umuman futbolga qay darajada muxlissiz? Demoqchimanki, har qanday futbol musobaqalarini kuzatib borasizmi?
- Albatta, O'zbekiston chempionatini ham kuzatib boraman. Viloyatim sharafini himoya qiladigan “Andijon” jamoasiga ishqibozlik qilaman. Afsuski, o'yinlari qovushmayapti. SHunday bo'lsa-da, muxlislik qilishda davom etaveramiz. Jahon futbolini gapirmasam ham bo'ladi. Kuchli beshlik, CHempionlar ligasi, jahon va Evropa chempionatlari, “Kopa Amerika”ning bu galgisi ham ajoyib taassurot qoldirdi.

- Boks terma jamoasidan Isroil Madrimov va SHahobiddin Zoirov bilan bevosita maydonda futbol o'ynaganmiz. Ularning, harakatlari qoyil qoldirgandi. Balki siz ham maydonda boksdagi kabi texnikangiz yuqoridir?
- Mabodo, futbolda ham “Vela Barker”(Olimpiadada eng tezkor va texnikasi yuqori bokschiga topshiriladigan kubok. Rioda aynan ushbu mukofotni Hasanboy Do'stmatov qo'lga kiritdi) yo'qmi? (kuladi) Albatta hazil. Yuqorida sanab o'tgan jamoadoshlarim qatori harakatlana olaman. Andijonda kunimiz futbol bilan o'tadi, desam yanglishmagan bo'laman. Har doim birga o'ynab yuradigan alohida jamoamiz ham bor.

- Umuman, boks terma jamoa azolari futbol o'ynab turasizlarmi?
- Albatta o'quv mashg'ulot yig'inlarida har payshanba futbol kuni.

- Demak, terma jamoa safida tortishuvlar ko'p bo'ladi. SHahram G'iyosov Ronaldu muxlisi, siz esa Messi, ayting-chi? Jamoada qay bir futbolchining muxlisi ko'p?
- Adashmasam har ikkisiniki ham etarli. Lekin Messiniki biroz ko'proq chamamda.


- Mana yaqinda Ronaldu Evropada mavsumning eng yaxshi futbolchisi, deb topildi. Messi muxlisi sifatida buni qanday qabul qildingiz?
- Odatiy har ikki futbolchining ham o'z darajasi bor. Lekin bunday sovrinlar Messida etarlicha topilishi barchaga malum-ku.

- Endi o'zbek futboliga etibor qaratsak. Futbolchilarimizdan qay birining o'yini maqul tushadi?
- Islom To'xtaxo'jaev, Sardor Rashidov, Odil Ahmedov, Vitaliy Denisovlarning mahorati yuqori.

- Biror bir futbolchimiz bilan do'stona munosabatlarga egamisiz?
- Islom aka To'xtaxo'jaev bilan bevosita internet tarmoqlari orqali yozishib, salom-alik qilib turamiz.

- Futbolni bevosita maydonda tomosha qilish maroqlimi yoki aksincha?
- Aslida, uyda yonboshlab olib, bemalol takroriy lavhalarni ham tahlil qilib tomosha qilishga nima etsin! Stadionda bir lahza chalg'isangiz, GOLni ko'rmay qolishingiz mumkin. Lekin haqiqiy muxlis ekanmiz, bevosita maydondan qo'llab-quvvatlab turamiz. Ayniqsa, terma jamoalarimiz to'p sursa, bu ham vatanparvarlikning o'ziga xos ko'rinishi.


- Futbol sharhlovchilarimiz borasida qanday fikrdasiz?
- Mirzahakim To'xtamirzaevga qoyil qolaman.

- Futbol nashrlari va saytlarini muntazam o'qib borasizmi?
- Muntazam desam lof bo'lib ketar, imkon qadar, futbol gazetalarni, saytlarini kuzatib boraman.

- Milliy terma jamoamizning saralash uchrashuvlarini kuzatib borayapsizmi? Mana ikkinchi bosqich boshlandi. Imkoniyatlarimizga qanday baho berasiz?
- Nasib qilsa, Rossiyada bo'lib o'tadigan mundialda ishtirok etadi. Mana Rioda ishtirok etgan sportchilar hech kimdan kam emasligimizni isbotlay oldik. Bu omillar futbolchilarimizga ham ilhom bag'ishlaydi, deb o'ylayman.


Ahmadbek Eshmatov suhbatlashdi.

Reyting: +1   

Fikrlar

   
05 sen 22:32:07
Adilbek
GOLDEN BOY qoil...
   
05 sen 19:33:40
KimTan
- Миллий терма жамоамизнинг саралаш учрашувларини кузатиб бораяпсизми? Мана иккинчи босқич бошланди.( UCHINCHI BOSQICH BOSHLANDI) Имкониятларимизга қандай баҳо берасиз?
   
05 sen 19:32:37
KimTan
notogri ketibdi 3-bosqich boshlandi.....
< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing