Islam Maxachev Arman Carukyanning "vyzov"iga "otvet" qildi

Maxachev vatandoshining chorloviga javobni uzoq kuttirmadi va Carukyanga revansh berishga tayyor ekanini bildirdi. Faqat buning uchun UFC promousheni Armanni chempionlik kamari uchun rasmiy davogar deb elon qilishi lozim. 

"Agar rahbariyat uni keyingi raqibim sifatida belgilaydigan bo'lsa, nima uchun yo'q deyishim kerak. U mening ism-sharifim orqali pul ishlashni o'ylayapti. Unga maslahatim - o'z janglarining va harakating bilan bunga erish. Uning so'zlarini baholamayman, chempionlik jangi berishmaguncha harakatdan to'xtamasin", - dedi dog'istonlik jurnalistlar bilan suhbatda Maxachev. 

SHuningdek, Islam keyingi raqiblari haqidagi savolga ham javob berdi. 

"CHarlz Oliveyra keyingi raqibim bo'ladimi, hozir buni aniq ayta olmayman. Menimcha, Jastin Getji va Dastin Pore jangini kutish kerak. UFC hammasini hal qiladi. O'zimga qolsa, ro'yxatda Oliveyra emas, boshqa yangi jangchi bo'lsa yaxshi edi. Menda raqib tanlash imkoniyati yo'q", - dedi Islam.