Islam Maxachev uchun eng xavfli raqib aytildi

Mutaxassisning so'zlariga qaraganda, rossiyalik chempion uchun UFC vaznlilar reytingida to'rtinchi o'ringa ko'tarilib olgan Arman Carukyan eng boshog'riq raqib ekan.

"Carukyanning so'nggi janglari uning Islamni mag'lub eta olishiga meni ishontirishga majbur qilyapti. Ochig'i, engil vazn toifasining hozirgi holatidan hayratdaman. O'ylaymanki, UFC rahbarlari Islam va Arman uchun revansh jangi tashkil qilib berishadi. Carukyan hozircha o'zi erishgan muvaffaqiyatga loyiq ko'rilmayapti. Uning hisobida uchta g'alabadan iborat seriya bor. Ha, u Gamrotga yutqazdi, lekin o'sha jang juda yaqin bo'lgandi. Arman Obin-Merse, Devi Ramos, Mett Frevola, Kristos Giagos, Xoel Alvares, Damir Ismagulov, Xoakim Silva, Benil Dariushni mag'lubiyatga uchratdi. Hozir divizionda Islam mag'lub etishga qodir Carukyandan boshqa jangchini ko'rmayapman", – deya Zaxabining so'zlarini keltiradi MMA News.

Eslatib o'tamiz Arman Carukyanning aralash yakkakurashdagi professional rekordi 21 g'alaba va 3 mag'lubiyatni tashkil etadi. U yakshanba tongida AQSHning Ostin shahrida o'tkazilgan UFC on ESPN 52 turnirida Benil Dariushni birinchi raunddayoq nokautga uchratgan edi. 2019 yilda Carukyan Islam Maxachevga ochkolar hisobiga ko'ra imkoniyatni boy berib qo'ygandi.